其實我不嬲都係join elyze 嘅CoolSculpting 冷凍溶脂。
我都唔知網路上係咪叫e記？
講道理，Neo Derm係好老牌既美容集團(雖然佢而家好似已經唔係香港最大既美容集團喇？）不過我阿媽係佢地elyze既客，所以我都好順理成章，由二十幾歲開始到而家三十幾歲都就十年，仍然係佢地elyze既客。
總之身邊有任何人想試elyze或者NeoDerm既野都會問左我先，但當然都係有八成問完都嫌好貴唔買既。係，elyze、Neo Derm就出名貴，呢樣大家都知架啦！
我自己覺得Neo Derm幾乎係全港最貴，總之平均Neo Derm每個療程都會貴人地兩至三成，而且Neo Derm仲幾乎每年都要加一次價.....但其實分期唔覺架，細拆返開呢每次療程都2、3k一次，如果做body既話要去到6k幾做一次1 part添，上去一次已經萬二！
因為我本身好懶，又跟左個美容師好耐，所以就算elyze佢地一直加價、一直加價，甚至而家elyze新客個package其實平過我個package好多（真係按住舊客黎搶）但我對elyze都無怨言.....好多人叫我走啦做咩唔走，係我個間做咩咩咩淨係需要幾幾錢一次咋喎，你仲熬緊elyze既貴療程！？
你地真係有所不知啦！
Neo Derm所有美容師係好識好識pua（唔知pua係咩自己search下），例如elyze美容師佢地會不停同你傾偈，mark曬同你講過呢咩，逢過生日都送你一個細蛋糕......係呀，欠落好多人情債搞到你無得唔買！
最癲係，如果佢upsell你而你唔落搭，你做facial、做Body既機全程佢都會唔再講野.....氣氛好沉重好沉重......搞到成件事好尷尬，到最後，就算你本身諗住唔買，但又諗，如果之後次次都係咁既氣氛咪pk？最後為左療程體驗2粒鐘著想又會買少少......
其實到最後真係當還elyze個治療師人情，每次佢咁情勒我，我就覺得好唔舒服.....但好似又無解決之道，因為package疊package，喺elyze入面根本望唔到盡頭，我真係走唔到......
朋友都覺得超級不可思議，我想話被情感勒索pua既人就係咁架啦！你地唔係當事人好難明！
但有呢篇野既出現，當然係因為我已經脫離左elyze。
話說我係elyze做最貴既肯定就係冷凍溶脂，冷凍溶脂本身就貴，elyze為保持佢地個「高級貴婦」既牌頭當然更貴，咁我做肚腩既，要用兩格，買左個package包四格，仲送左啲其他野。我本身其實都有啲猶豫，覺得，淨係做一次冷凍溶脂work唔work架？不過elyze美容師同我，唔係好肥既人其實做1次冷凍溶脂就得啦，做1次冷凍溶脂可以減22%？27%？脂肪，美容師話做一次即減四分之一個肚腩，你又唔係好肥，夠喇！
因為elyze佢地通常叫客人做一次先，講到做完一次天下無敵，淨係收你一次錢就可以終身瘦！所以當然一次性勁收好貴！
我第一次喺elyze做冷凍溶脂係一次性兩格，吸肚腩，療程感覺除左有啲凍都正常。返去覺得無咩野睇到，elyze美容師話要等脂肪排走，大概三個月度個效果最令......三個月後先知......
但佢話佢全部客人都有效，無見過做elyze冷凍溶脂無效架喎！
ok啦咁，之後有時間就我就上去elyze順便做埋手臂，手臂都係兩格，一格左一格右。
估唔到做手臂既時候會出事，我之後諗返可能係手臂脂肪無肚腩咁厚？
其實部冷凍溶脂機呢，就好化學既，根本唔洗人望住、亦都唔需要人力參與操作.....
亦即係如果出左咩事佢地唔知，亦都無辦法及時補鑊！
我做右手臂通常明明35分鐘，無啦啦唔知到第幾分鐘（應該都差唔多完）既時候部機突然停左，我按鐘叫返個美容師入黎睇睇部機咩事，點鮮無啦啦停機，佢話無事呀！只不過部機既保護裝置，去到某個溫度就會停架啦，仲叫我唔洗擔心，咁樣就代表有效.....
結果一拎開部機，佢臉色都變埋，原來係我手臂上面多左個印，成個機頭印留左係上臂。
咁我梗係驚自己係凍傷左啦，但佢就係咁話係因為我血液循環唔好喎，又話有時有客人都留印架.....講到好小事好濕碎咁，好似elyze一日都幾十單。
個陣我都信佢，點知返到屋企個印都係一直唔褪，我whatsapp問打去問elyze佢地都話好正常，又無俾我同個美容師或者經理級數既人講野，都係前台招呼我，係咁叫我按摩下等血液流通返，我都唔敢按，大佬，點知我啲血管會點呀......
之後過左好長一段時間，個印終於先褪返......我覺得肯定係凍傷左或凍瘀左......
不過都無謂同elyze佢地嘈，人地大公司，但我個美容師一直係度退，講到好事不關己，又係咁話我血液循環唔好又盛，又話好多客都係咁（言下之意係我大驚小怪），亦都無咩補救措施或者去check部機（好彩我已經做完曬個冷凍溶脂Plan）就令我有啲不爽囉.....
你不仁我不義啦，之後上去做咩減肥野我都無咩心機，當做埋就算，都無主動同佢講咩閒偈。
佢都知我咩料，之後就比較少主動同我係咁R水吹，都好既，靜靜地做下減肥療程囉，到左療程淨返兩次既時候佢又想sell我，不過我就無再答應，但我都唔會擺面色或者無禮貌，我係好有禮貌咁拒絕，大家好黎好去啦。
就係咁，我終於順利由elyze脫到身，可以去試下其他美容院，我回復自由身啦！
減肥呢，就絕對係女人既終身事業。
好似好多人都會keep住做facial咁，我就係keep住減肥keep住身材，為左繼續可以食好西，而且我平時唔運動、我超級憎做運動。
有個朋友推薦去免費試下Perfect Medical個S6溶脂修形先。
知道我終於由elyze甩身啦，我有個fd都好興奮，呢個絲打係玩遍全港無敵手既美容精，又做面又做身，好似仲半年打一次針，總之就係咩都做，最鐘意R免費著數，我身邊真係得佢一位係會咁樣。
你知啦，比少少錢上去美容院做體驗其實都預左Hardsell，但免費體驗個啲就仲誇張......所以我一直都好佩服佢。佢話免費體驗之中，Perfect Medical算係sell得比較少，而且大公司所以入既機就同elyze都差唔多，玩得過，叫我去登記完試左Perfect Medical個流程同埋啲職員點先再講。
佢推得Perfect Medical都有佢既道理，而且我本來既訴求就係個level唔可以低過elyze，我唔會做街坊仔美容院或者細鋪既。
登記同上去流程都好順，Perfect Medical係大公司有系統。
首先去Perfect Medical做左inbody先，之後顧問帶入房，有啲似interview咁邊睇我資料邊會同我傾下，問我有咩想改善呀盛盛，傾完就去試我本身登記左個Perfect Medical療程，叫s6溶脂修形。不過同佢傾既時候就真係純傾，無sell，呢點我就覺得都唔錯既。
做s6溶脂修形同我之前做冷凍溶脂同增肌減脂都似，Perfect Medica美容師唔洗做啲咩，只係會將熱光溶脂部機擺係療程位(我都係揀左肚腩)然後就可以走開，由你攤半個鐘，我都慣曬個流程。
好多人以為而家做減肥療程仲要人手推拿推淋巴、拔罐、熱石個啲.....其實唔係，做機既意思就係人手唔洗參與，亦都唔信人手參與有咩用，如果想比人服侍既話可以去做中醫減肥。
s6溶脂修形係熱光溶脂，所以全程都好舒服，覺得個肚腩好熱。
話咁快就30分鐘，Perfect Medica美容師入黎拆機同埋問我感受點，我話熱熱地都幾舒服，之後會帶我去度身，咁before同after當然係無咩野睇，我都一早預左，做機就係咁，要比時間用身體新陳代謝去排走脂肪，所以佢話即時減左即幾多幾多吋，好勁呀好work呀，我都純係聽下。我知道一做完s6溶脂修形減走既好可能只係水腫。
出到去見返Perfect Medica顧問，呢個時候先會sell，不過都ok正常既，問左我感受點先，然後就話有興趣就同我講下個Perfect Medica package點樣砌，咁因為Perfect Medical係大公司，所以減肥機絕對唔止一部，而係有好多選擇，佢係會根據我身體情況幫我砌機，都唔太洗點用腦.....
傾傾下竟然就傾左15分鐘，多數都係討論技術同埋比較唔同機，氣氛都幾好。
到最後我就話我要返去問下朋友先(就係我個美容精朋友)因為我覺得條數雖然分期比好合理，而其實每個月比得唔多，肯定比elyze更加平(我問左佢地個冷凍溶脂，係比elyze平好多)但係成條數加加埋埋都絕對唔細！
Perfect Medical個顧問都OK既，再磨左我大概5分鐘度就放我走，只係叫我如果返去買可以搵佢。
Perfect Medical成個免費體驗感覺都好正常、比我想像中好其實，因為Perfect Medical無網上講既超級Hardsell……
我返去問左，我個美容精都覺得OK可以買一個減肥療程先，而我從來無游出公海再搵療程......所以都仲係好十五十六，唔知大家點睇呢？
留言列表
