Elise Tham的部落格

M22 彩光王究竟去唔去到荷爾蒙斑？

 

循例，講機之前講下我自己個膚質同問題先，睇下如果我膚質同你差唔多，我嘅意見就更值得參考啦！

 

作為一個年紀近4字頭既中女，我嘅膚質已經愈黎愈乾，做囡個陣其實算係油性皮、瑕疵皮，但年紀愈大就愈收油，而家已經乾到冬天夜晚都要用透明質酸精華同Cream，仲開始出斑......仲唔係普通曬斑，係斑王——荷爾蒙斑！

 

我有朋友做美容記者呢行，佢話Life Young呢間野新新地、好似唔錯，間野裝修好靚同地方好似好闊落，叫我如果想打斑可以去試下喎，睇下佢地有咩offer到！我睇網上其他人對Life Young既review，地方真係好令，仲話療程全部明碼實價可以上佢地官網搵到......

 

我上左官網啦，但所謂明碼實價其實係試做價！例如話比你聽原本3k，但而家試做價1k5呀咁，大家都知如果真係要買就會買Plan，原價3k一次真係搵鬼買，所以個所謂原價都係假既！

 

Life Young推薦我去做 Stellar M22彩光機

 

有一話一，Life Young個場真係設計得好令、好高級咁，喺入面行黎行去都覺得自己係富太（雖然我唔係），開得係豪華地段都預左收費唔會平得去邊！畢竟開喺置地對面！

 

行入去係好有face，但個心都有啲淆淆地，其實我上網做左小小功課，心目中係有個budget既，我打算試做咗先，如果買Plan既1次療程最低個價錢meet唔到，我就唔買，that’s it！

 

佢地顧問好nice咁帶我入房問我有咩皮膚問題想處理，咁我除低口罩比佢睇話想搞搞啲斑，有無療程可以快靚正咁打斑去斑......咁Life Young佢地都話好多人上黎都係想處理荷爾蒙斑，佢地有好多機可以幫到，叫我做左皮膚分析先睇下黑色素喺肌膚邊層。

 

個皮膚分析其實都好快完成，掃一掃塊面等3分鐘度就有result，佢話我面上既黑色素分佈喺唔同皮膚層，皮膚表面有既色斑只係冰山一角，如果唔盡早處理就會一直生斑，愈黎愈嚴重添......

 

其實我都估到佢會建議我做皮秒激光去打斑，不過我之前喺其他美容院試做過一次，唔知係我塊面太乾定係能量開得太高？總之佢地講明話無痛，不過就痛到我痴線、飆曬眼水，佢地打斑之後仲要幫我印眼淚添！所以我就唔想做皮秒激光打斑！

 

不過佢地都無強迫，就話佢地有M22光子嫩膚機，係而家既彩光機王，因為係彩光所以有好多種唔同用途，例如改善暗瘡、色斑、嫩膚、收血管等等......不過因為呢部M22就有好多波片，所以要醫生去揀咩波片適合我既狀況再做架！

 

Life Young顧問講得真係好興奮，講到佢好似Stella M22架機既股東咁，其實我都有聽過呢部機，好似台灣入先既，但最近香港都開始入，間間美容院都大吹特吹主力推呢部機......部機新新地搞到我都好心動！如果用M22可以無痛去到斑咁梗係最好啦！

 

咁我上得黎都係諗住試做，於是就用1k5去試做M22！

 

M22 嫩膚去紅真係好有料到，但去斑就......

 

我相信大家應該都有試過做彩光？具體我就唔細講，好多人反而關心痛唔痛！咁彩光就唔洗敷麻既，所以放心，唔會痛得去邊！我算係一個好怕痛既人，我得，我相信你都得！

 

不過我上網睇有啲人覺得打彩光完全唔痛、有啲人話打彩光有少少痛.....可能都比較睇能量同手勢呱？我之後睇返M22打出黎效果好唔好其實都好講手勢......

 

因為我平時多數做膠原槍個啲，所以唔係太知打斑點先算手勢好或者唔好.....我就瞓喺度由佢打囉LOL！

 

好快就打完而且我都覺得算打得仔細，雖然係試做不過都無Hea打咁囉。其實打完會fu到塊面熱熱地、紅紅地，但都可以接受。咁一出黎當然就係要sell我啦，唔算好hard但係都唔係立即走得個種......我諗都有同佢哋糾纏左10分鐘？都預左會咁，所以我都好氣定神閒，基本上就係佢唔捨得放我走，我又堅持岩岩打完咋喎都無野睇到，我而家唔會買住囉，因為都唔係平......

 

有絲打想知道究竟買6次Plan計落幾錢一次，PM我啦！

之後搓左一陣波佢無奈之下都係比我走！

 

打完M22彩光之後其實都幾快見到效果，大概3日到，不過打斑係真心無咩料到......反而嫩膚方面係唔錯，因為我係真心想買Plan去斑，所以我日日都好細心睇塊面，但真係法令紋淡左、兩邊面漲返、額頭紋都淡左好多，覺得膚質提升左.......不過斑斑就一啲都無淡到！

 

我覺得M22彩光可能真係而家既彩光機王，但係對於淡斑黎講就真係無咩料到！總之一句講曬，Life Young M22彩光同我面上色斑唔對位！

 

最後係PicoCure 超皮秒幫我去左荷爾蒙斑

 

之後我繼續上網同喺親友谷問有咩療程可以去荷爾蒙斑，有人叫我去試下New Beauty個PicoCure超皮秒去斑！

 

其實New Beauty我都聽得多，一黎佢地打廣告打得好勁，二黎搵左鄭秀文代言呀嘛！連半退休既阿Mi都請得郁，我覺得佢地一係就好有牙力一係就俾好多錢......請咁勁既星代言，一般都會以為佢地收得好貴，又唔係喎，我上左官網睇，基本所有療程都有得免費試做，而且好多都係1888蚊10次，我覺得就係呢個高汁療程加低價錢令佢地可以賺到上市！

 

親友話荷爾蒙斑可能真係要皮秒激光先work，其他都唔夠針對性......同埋呢個有得免費試做，叫我去試下都無蝕底！

 

於是我就預約咗去免費試做PicoCure超皮秒去斑，因為所有美容院流程都大同小異，我都唔細講啦，不過New Beauty睇落都係好整潔好專業，個無敵大海景都非常華麗，我覺得無Life Young咁Fancy，不過睇落去都同樣好高級，Lv都係差唔多......總之去到你會覺得自己搖身一變變左闊太！

 

循例去飲杯花茶、見顧問傾兩句之後做皮膚分析，又係話我係荷爾蒙斑、又係話我浮上面層既黑色素只不過係冰山一角......然後佢地就推薦我做PicoCure超皮秒去斑療程，咁我雖然今次都有忍痛都要搞掂啲斑既心理準備，不過都係問句「係咪好痛」架？

佢地話感覺其實好輕微架咋，好多人都接受到，有啲人仲話完全唔痛添！

（同埋我心裡面諗：其實試做都唔會打好多下，我應該唔洗擔心太多.......）

 

估唔到試做都好落心機，個治療師好仔細咁打左全面兩轉，然後我多斑既地方就打多幾個圈......其實感覺就係熱、肌底深處既熱，但就唔會話係痛，佢重點打斑既時候我知道感覺最大就係呢個位，但我都接受到，所以個療程感受其實真係幾舒服下！

 

雖然連試做都打足我覺得非常nice，不過都係個句啦：如果唔返去一個星期度睇返個真正淡斑效果，我係唔會買既！因為打斑呢啲野，一打完激光真心係無野會睇到！

 

好彩顧問都明，但佢開比我個皮秒激光打斑Plan就絕對唔會係1888蚊10次，呢樣大家就唔洗諗，咪傻啦！如果真係百幾蚊次你都唔敢打啦係咪？我一開始都預左呢啲只係綽頭野，但係個打斑Plan價錢係好正常市價，都絕對唔係獅子開大口，配合返個就腳地點、個景同配套同埋治療師既專業資格.....你就會覺得都值！

 

做完PicoCure超皮秒去斑一星期之後，肝斑真係淡左！

 

如題，我做完呢次之後都有每朝每晚去觀察啲斑有無淡到，有同事仲叫我每日影相添不過其實每日光線唔一樣就好難睇得出明顯轉變，所以我都無影相......

 

不過打完PicoCure超皮秒去斑之後個效果係真心明顯，連我同事都指住我塊面話覺得斑淡左，問我係咪上左厚粉......令我更加確定其實荷爾蒙斑係要做針對性療程，就係皮秒激光。

 

因為覺得有料到同個價錢合理（比多幾舊水我ok啦，最緊要唔洗再周圍去搵同埋有質素），我今個星期六就會上去買Plan，只係因為搵到個對我有料到既打斑去斑療程，所以有啲興奮想Happy Share！

 

有啲咩想問、有啲咩想Happy Share都可以DM我呀！

如果無野想傾都可以直接點條Link去睇下咩料：PicoCure 美國超皮秒去斑療程技術